50個女生想男生知道的心事 (轉貼)

(PS: => by 小妹子)

０１）我「喊」，無論是否你的錯，你都一定要哄我。
０２）我都唔會每秒鐘都掛住你，大家咁話。=>不過你要每秒鐘都掛住我
０３）我見到靚仔都會望，這也是天生的。=>如果你天生見到靚女要望, 可以, 不過只限望你面前嘅呢個我, 其他, sorry, 唔得喎
０４）我「哦」你都是因為我關心你和緊張你。
０５）你唔使係有錢仔，但最好都有比較遠大的目標和理想，在未來有成為一個有錢佬的可能。
０６）同我出街時，可唔可以梳番個頭同剃鬚？
０７）我知我唔係全世界最靚，但我希望你覺得我係，時不時要讚我人靚歌甜樣靚身材正可愛溫柔同得意。
０８）當我剪了兩吋頭髮打了少少眼影穿了對新鞋時希望你會留意到。
０９）所有大時大節紀念日同生日，你必須全部都記得。
１０）我所有濕濕碎碎野都好想同你分享，例如我用咩化妝品同護膚品，雖然你未必會明，但希望你會扮聽。=>但係可唔可以唔好迫我聽你講你啲佬嘢呀
１１）當你滔滔不絕地發表你對工作細節電腦軟件NBA英國足球聯賽等等的意見時，我其實也是在唯唯諾諾地扮聽。=>如上
１２）得閒做下磨砂同黑頭鼻貼，否則我會在凝望你時不自覺地望住你鼻上的黑頭同粗大的毛孔。
１３）你臨訓前可唔可以刷牙？
１４）你唔需要好靚仔，但一定要乾淨。
１５）我 M 時係大哂，可以大條道理發脾氣，你最好一個月忍我幾日就哂我。=>其實我任何時候都係大晒, 你要每時每刻都就晒我
１６）我會假設你懂得操控及修理任何電器，包括電腦相機電視機錄影機及HI-FI等等。
１７）有很多事我並不是不懂得做，只是不想做就扮唔識。
１８）每日去任何地方時都要 CALL 話比我知你位置及同邊個一齊，比我清楚哂你的行蹤。
１９）同一個笑話同話題，可唔可以盡量唔講得多過廿次？=>不過, 如果係我講, 就算多過一百次, 你都要笑同俾反應
２０）我發脾氣CUT你線，其實係想你即刻打番電話來再哄我。=>不過, 你冇發脾氣同CUT線嘅權利
２１）如果迷路時，可唔可以快快趣趣向途人問路，唔好逞強拉住我走來走去行好多冤枉路？
２２）我唔介意你有少少肚腩，但盡量唔好太肥，亦唔好比我瘦。
２３）太大隻既肌肉型男人一D都唔MAN，係好驚。=>不過, 少少嘅肌肉, 我鍾意呀
２４）我會好介意你有一Ｄ有不良嗜好的「兄弟老友」，認為佢地一定會帶壞你。
２５）在我的朋友面前，我希望你可以表現得比平時更錫我同緊張我。=>係任何時候都要咁錫我同緊張我, 不論人前人後
２６）我煮飯比你食時，你唔可以覺得係奉旨，一定要「話」好食。=>同埋你真係要覺得同相信係好食
２７）琴棋書畫各類運動唱歌寫文章當中，希望你最少會有一樣好叻（打機唔算），其他最好樣樣都識少少。
２８）你要欣賞我的工作。
２９）大男人唔等於霸道。
３０）溫柔唔等於無主見。
３１）瀟洒唔等於無交帶。
３２）不羈唔等於烏where。
３３）我鍾意你努力工作，但都要盡量抽時間陪我。
３４）唔好成日問你約會去邊度好都話「是旦」，咁唔叫就晒我, 只係表示你無心思。
３５）如果我有朱茵的身型，我唔介意穿得像個性感尤物。=>就係因為我正過佢, 先唔想俾人睇蝕, 哈哈
３６）如果我同你講話要減肥，其實最想聽到你同我講：「你一Ｄ都唔肥，唔使減啦，我鍾意咪得囉。」=>其實, 你可以坦白同我講, 我已經有perfect嘅body, fit到漏
３７）我跟你說話的時候，唔知點解聲音會比平時嬌嗲同低Ｂ。=>為嘅, 係想顯示你好高B
３８）CHECK你電話的來電顯示是我的嗜好之一。
３９）你最好唔好有任何女性朋友、紅顏知己或契姐契妹之類的物體。
４０）我有男性朋友係好正常。=>不過, 你唔需要用女性朋友去表示你係正常, this point not applicable to you man
４１）我希望你的女同事全部都是師奶呀嬸醜女或肥婆。
４２）我好有興趣去知道你同你舊女友的事，愈詳盡愈好。
４３）我有時都會掛住舊男朋友、以前暗戀過的男生、華dee梁朝偉同藤木直人。=>again, sorry, 你唔可以
４４）無論拍左拖幾耐，我都渴望你時不時比Ｄ驚喜我。=>請睇清楚, 係驚喜, 唔係驚嚇
４５）你要時不時對我講「我愛你」，否則我會假設你唔愛我。
４６）（回應＊大庭廣眾怕醜、唔出聲不叫斯文）大庭廣眾粗口爛舌唔係叫有型。
４７）（回應＊你打扮得太誇同我去街我會驚。）你完全唔打扮同我去街我仲驚。
４８）發脾氣時要即時哄番，唔好比時間我冷靜下，其實我完全唔需要時間冷靜。
４９）雖然已經有左你，但如果有人追我都會沾沾自喜。=>到而家, 你應該明白點解我好似日日都笑咪咪, 但又冇同你講為乜喇
５０）購物是女人的天性，請不要阻止或對我的購物行動有甚麼意見，最好間唔中資助下我。

尋人

自從轉咗工, 放棄高薪厚職嘅非人生活, 換黎嘅係自在嘅工作環境. 日日準時返工放工, 工作量唔算多, 唔想OT亦唔使OT. 不過, 個package就差啲, 唔會好似以前咁有20日annual leaves, 唔會年年加幾十個%人工, 唔會年年有職升. 呢啲咪就係give and take囉!!

不過, 其實我都唔肯定自己想要咩. 坦白講, 我覺得而家嘅工作太無聊, 無乜挑戰性, 有啲頹廢. 我好鍾意以前份工, 每個job都好challenging 每個task都係learning point, 會覺得自己每日都係度進步, 好充實, 好有滿足感!! 但而家 … 唉!! 有時連做嘢嘅motivation都冇. 我最憎人做嘢"無heart", 但係而家自己耐唔耐都會咁, 真係好難接受自己竟然有咁差嘅attitude!! 我唔鍾意咁樣呀!!! 呢個唔係我黎架!!!

愛情 & 股票 (轉載)

卡門高唱：「愛情，不過是一件普通的玩意，一點也不稀奇！」雖然不稀奇，仍有萬千癡男怨女自投羅網，正如股票魅力不容睇小，吸引萬千股民前仆後繼一樣。愛情同股票睇黎九唔搭八，其實，某d地方好鬼似，唔信，睇落就知。

買藍籌：好似搵一個最夾既人同你一生一世。買左唔需要放，放左買唔番，而且一定後悔。只要有耐性，回報極之可觀。0係楂住隻藍籌期間，你會信心動搖，受外來誘惑，但只要有決心，必成正果。

二三線股：好似拍散拖，風險大好多，亦刺激好多。唔排除有一日修成正果，但機會少之又少，通常甩拖機會較大。

窩輪=一夜情

買窩輪：好似一夜情。買之前，你都已經知道同賭冇乜分別，係會更刺激、更好玩，但亦要預輸清光，十個有九個都發夢付出少但回報高，但十個有九個都會係輸。

入場費：買大隻好股一般都有最低入場費，好似匯豐（005）咁，最少都要5萬幾蚊。追好既女仔都有一定入場費─ ─樣唔衰、人唔窮、有耐性、有心計，同埋好似匯豐咁，你唔買，大把人買。

差價：股票報價中，有買入（Bid）同賣出（Ask）兩個價，即係投資者願意買入、同賣出既價格 。男女關係當中，我地可以理解為男人願意付出既，同女人願意接受既條件，Bid同Ask相差之價格，我地稱為差價（Spread），依家香港既情況就係Spread越拉越闊，因為差價擴大，成日都冇成交，咁你依家應該明白，點解香港越來越多老姑婆喇。

A股：至於d男士，佢地唔買港股，去晒買A股，因為A股冇將個Ask亂放，只要男人唔將個Bid放得太低，就會有主動沽盤；不過，要注意A股已經升左好多，情況有改變。

逆市買賣：股票市場既大贏家，都係人棄我取既勇者，當人家最瘋狂既時候離開，人人睇淡既時候入市。但愛情就千祈唔好玩人棄我取，應該理解為，當伴侶好失落既時候，你要依舊對佢咁好，一起相伴等黑暗過去，光明來臨；對方極度風光，佢又依舊同你一起──簡單d講，即係可以共富貴，亦可以共患難。

唔該 ... 本小姐唔高興呀... U_U"

呢排心情低落, 無乜心機. 我諗我有情緒病!!!

好男人定義 (轉載)

好男人應該:

* 言而有信。
* 有點害羞，但曾在分別的街頭，大聲說我愛你。　　
* 同我去廟裡求籤，輕輕捉住我的手一同跪下。　　
* 從來不遲到--我遲到他不生氣。　　
* 擁抱很久、很緊--每次我起身時幾乎是需要慢慢推開他。　　
* 睡得比我遲一點，醒來早一點。　　
* 朦朧醒來輕呼我的名字--沒有呼錯。　　
* 記得我的日期、鞋號、密碼、最怕的事。　　
* 笑起來很像個壞蛋--其實不是。　　
* 不舒服時，請假帶我去看醫生，回來路上買冰淇淋做獎勵。　　
* 開車絕不喝酒，讓我繫上安全帶。　　
* 幫我做家務，每天。邊做邊聊天。　　
* 常常幫助別人，不為什麼。　　
* 答應我：永遠不。然後永遠不。　　
* 雨天散步，背我過積水，說：你還可以再胖一些啊。　　
* 吵嘴時不會一走了之。　　
* 錯了會認錯。　　
* 閱讀女士脫毛器的說明書然後教我。　　
* 我說笑話他笑。　　
* 逛街時我看中同一款式三種顏色的裙子，他說：都試一遍好了。　　
* 常常說，有我呢。　　
* 事情過了才告訴我，輕描淡寫。　　
* 指甲整齊乾淨，喜歡我替他剪指甲。　　
* 我做的菜他每樣都愛吃，要求明天再做。
* 輕輕擰開我擰不開的汽水瓶。　　
* 忙時給我訂機票，讓我帶父母一起出去玩。　　
* 告訴我--24小時隨時打電話。　　
* 告訴我--不要省錢。
* 偷偷買一件兩人合穿的雨衣放在車上。　　
* 說謊時結巴。　　
* 與人爭論聽上去像是解釋。　　
* 從不上網聊天。　　
* 他的秘書說幫他縫上脫落的紐扣，他說謝謝，不用。　　
* 和我下棋，允許我悔棋。　　
* 穿十年前的牛仔褲仍然合身。　　
* 我不辨方向，他體內有指南針，說--跟牢我。　　
* 吃我吃剩的東西。　　
* 我失眠時他陪我聊天。　　
* 我洗澡時他拿了本雜誌近來坐在馬桶上看。　　
* 比我高，我取不到的東西讓他取。　　
* 重大的事情和我商量，比如明年的投資計劃、週末野餐帶不帶燒烤架，晚飯吃大白菜還是小白菜。　　
* 站在商店的洗手間外面等我。　　
* 我感冒了，他還是會用我的杯。
* 吵架之後,如果對方打你手機,一定要接！

上等人嘅垃圾站拾荒日

上個weekend係Pedder嘅開倉日, 我同特務同事放工之後一齊去湊熱鬧. 之前都有心理準備架喇, 知道啲嘢唔會擺得好整齊. 不過, 去到嘅時候, 都覺得有啲恐怖, 成地都係鞋, 好似一個垃圾站咁, 啲人啲手就好似烏蠅咁係啲垃圾上面不停盤旋, 唔捨得離開!!

呢啲場面, 我當然可以從容應付啦!! 其實一踏入個場, 用幾秒做個observation, 已經可以form到strategy喇. 根據我嘅preliminary assessment, 袋少鞋多, 而鞋又分唔同size, 所以應該要掃袋先. 我一見到個Mulburry, 用少過一秒嘅時間望吓個discounted price, 就一手攞一個色, 因為我唔可以係嗰一秒決定要咩色, 所以就一於有殺錯冇放過, 兩隻色都攞咗先算. 最後, 同特務同事同埋其他朋友傾咗一輪, 又諗咗差唔多成2個鐘 ... 決定要"黃邊深啡底".

其實, 個場賣嘅嘢都幾抵嘅, 大部份都係二折三折, 好似呢個袋由原價HK$7,000減到HK$1,470. 以呢個價錢, 唔好話coach, 就連一個靚啲嘅agnes b 都買唔到喇!!

除咗個袋, 我仲買Marc Jacobs鞋同accessories, 收穫唔錯!! 不過, 最開心嘅人應該係媽咪, 因為我買咗3條好靚嘅scarf俾佢. 有個咁乖咁孝順嘅女, 我媽咪實在係太幸福喇!!哈哈!!

Fascinated with CHANEL

又與另一魔鬼為友!!

早前同友人有返聯絡, 所以呢排時不時都會約下去街. 同友人, 以下簡稱”靚太”, 係中學同學. 靚太係一個好叻嘅女仔, 好聰明. 不過, 一開始嘅時候我哋唔熟, 唔係同一堆朋友. 之後去到唔記得係F.5 定F.7, 好似係F.7, 因為返church同溫書嘅關係, 係嗰大半年, 我哋超friend. 不過, 中學畢業之後, 我哋去咗唔同嘅大學, 慢慢, 我哋就冇咗聯絡. 真係好得意, 我同靚太一時好熟, 一時唔熟 … 都唔知點解, 哈哈!!

上個weekend我哋約咗去修甲同shopping. 講真, 我都幾鍾意同靚太行街, 因為會行啲平時同其他朋友仔唔多去嘅high-end shops. 其實, 身邊有兩三個知心好友都係有錢一族, 雖然同我係唔同世界嘅人, 不過, 我哋都可以做到好朋友. 我哋會一齊食大排檔, 迫地鐵, 掃outlet, 等on-sale …… 當然, 有時我哋都會去high tea, 買下貴嘢, 睇下名錶靚衫咁. 我自己覺得, 雖然好多嘢未必可以擁有, 不過, 至少要知, 要知道出面個世界發生咩事, 唔好只係停留係自己個世界度, 好似好無知咁. 我要多謝呢班朋友俾我咁多insight.

好似靚太咁, 因為佢, 我正式同CHANEL打交道. 係男朋友眼中, CHANEL唔只係壞朋友咁簡單, 真頭就係魔王!! 而我第一件擁有嘅魔物就係:



嘩!! 你睇靚到!! 真係冇介紹錯, 果然係一條好necklace!! 靚太, 多謝你呀!!